「鄧謝配」現身ViuTV奧運節目 謝影雪如願與MIRROR接觸

東京奧運今日（8日）正式閉幕，ViuTV除了安排MIRROR及ERROR在節目《奧運有得揀》上亮相外，更邀請到奧運港隊羽毛球混雙組合「鄧謝配」鄧俊文和謝影雪登場，「鄧謝配」的現身當然令大家相當興奮，不過遠遠不及謝影雪本人，皆因她是超級「鏡粉」，連做運動都被發現聽住MIRROR歌曲《Ignited》，難怪有不少網民已經留言笑稱謝影雪終於「自肥」成功！

AK先感謝兩人對羽毛球壇作出重大貢獻，更指兩人的超水準表現，令不少香港人重燃打羽毛球的興趣，曾經羽毛球校隊的Frankie狀甚興奮地說：「我好想打波啊而家！」馬啓仁（Keyman）即場問「鏡粉」謝影雪，在身後有MIRROR成員，想與哪位成員親近，謝影雪一臉害羞地說：「小朋友先做選擇㗎！」馬上引起現場眾人歡呼：「識玩！大家姐真係大家姐！Why not both？果然係見慣大場面。」反而鄧俊文表示會揀AK，二人隨即擊掌，惺惺相惜。ERROR隊長再問鄧俊文，若然換拍檔，他會揀陳嘉倩、沈殷怡抑或雪雪？鄧俊文則答：「梗係事業為重啦﹗」

陳安立亦提到有網民曾提議「鄧謝配」和MIRROR對戰打波，而謝影雪表示會用右手讓賽，她說：「冇問題。」此時MIRROR隊長Lokman則拿着「挑戰狀」向2人下戰書，他說：「咁就啱喇﹗我哋MIRROR有好多球類高手，依家向你哋下戰書，接唔接受？」「鄧謝配」爽快表示接受，Lokman續說：「我最欣賞啲人就係咁率直，呢個係我哋挑戰書，我以MIRROR隊長身分，向香港羽毛球奧運代表隊，謝影雪及鄧俊文下戰書，約定你哋喺力圖打排球呢個節目，同你哋一較高下。」此時主持陳安立則問道：「打排球定打羽毛球？」謝影雪亦帶點疑惑地說：「乜我哋打排球咩？」Lokman說：「因為我哋係球類高手，奧運有好多節目，我哋乜嘢都玩晒，乜嘢都挑戰。」