Harper一周歲生日 雨僑希望囡囡繼續開心笑笑

雨僑日前（5/8）36歲生日已透露，當日同老公羅力威帶今日（8/8）1歲生日的囡囡羅約彌（Harper）去拍造型照。隨後雨僑在社交網先後貼上囡囡兩個不同造型的寫真照，祝賀囡囡周歲生日。
照片中Harper都是張開嘴仔開心大笑，雨僑留言：「媽媽除咗好想多謝我自己因為付出咗好多之外，真係好感恩天父將一個咁美好嘅小生命帶嚟我哋呢個家，感謝祢賜下呢個正宗肥肥白白嘅人仔，又易氹，成日都笑，最重要係健健康康。」她又感謝在開頭最困難時期經常幫手湊女的四大長老、姑媽和Auntie，續謂：「媽媽希望你繼續開心笑笑，身體健康，剛強壯膽，結出聖靈嘅果子（FYI呢個要求唔係好多嘅遮，即係「仁愛喜樂和平忍耐恩慈良善信實溫柔節制」）」。