太極演唱會｜聽到Gary把聲打個突 雷有輝傷心痛哭唱不下去

太極紅館演唱會首場去到尾聲時，主音雷有輝（Patrick）有感而發指個唱數度延期，原本去年可以齊人開騷，但少了個隊友（Gary Tong）也會堅持行落去，適逢好多嘉賓跟Gary有關係，不過跟Gary最有重要關係是其太太。他說：「今晚Gary太太都有嚟！成功男人嘅背後都會有一個出色嘅女人幫佢，有佢先有Gary，先有咁多動人作品、美好樂章，留畀大家回憶。」其後獻唱《一生不再說別離》時，Patrick忍不住落淚，更一度未能唱歌，鄧建明（Joey）亦眼濕濕。
完騷後接受訪問，Patrick表示Gary太太開騷前也有入房為他們打氣，稍後相約一齊去踩單車。提到獻唱《一生不再說別離》時不禁落淚，Patrick表示因聽到有Gary聲線，但練歌時不是這樣，當堂打個突，對方的歌聲真是殺死他。