【又賣關子】鬥Chok飲嘢講同樣對白 黎明張敬軒玩角色互換
2021-08-02 21:45 
黎明（Leon）早前開一連9場紅館演唱會，其中一晚找來張敬軒做嘉賓，令歌迷十分驚喜。但原來驚喜仲未完，Leon早前宣布會與張敬軒合作，但詳情一直未公布。繼日前上載只得8秒的預告片，今日二人各自又上載20秒片段。由軒仔於IG上載的版本，片中軒仔與Leon都西裝look上陣，各自喺吧枱飲酒，此版本由軒仔開口先:「你遲到喇!」Leon反問：「我哋有約咩？」軒仔再回答：「有約冇約，要見到嘅，始終都會見到。」Leon好奇再問：「你見到啲咩？」軒仔竟然表示：「講你聽，你會驚呀！」
而Leon於facebook上載的版本，對白幾乎都與軒仔對調，不過到最後改由Leon提醒軒仔:「唔好望後面!」而軒仔則露出愕然的表情，片尾更出現一名濃妝女子及「七月撞正...」幾隻字。網民都十分好奇，農曆七月呢pair黎張男神到底想玩乜?
關鍵字
最新回應