【導演也着迷】拍MV自肥慳5千學費　彭秀慧獲Edan親自指導彈琴

2021-07-25 01:45

導演兼舞台劇演員彭秀慧昨日（24日）在社交網上載與人氣組合MIRROR成員呂爵安（Edan）的合照，她更寫上令「爵屎」超級羨慕的留言：「身邊有好多人鍾意Edan，尤其係拍嘢嘅朋友，大家都覺得佢可塑聲好高，第一眼未必係最靚仔，但係越浸越濃嘅魅力，來自和藹可親嘅外表，但係又才華洋溢，搞笑又得，認真又得。嗰日拍MV捉住佢教我彈〈E先生〉嘅第一段，唔使比$5000學費，賺咗！」

原來當日彭秀慧為Edan新歌〈小諧星〉拍MV，歌曲前日（23日）出街，YouTube的觀看次數已逾62萬人次（截止昨晚11時）。她貼出多張照片中，除了被Edan搭膊頭合照外，又有頭貼頭的照片，而擁有8級鋼琴資格的Edan，還教彭秀慧彈《E先生》的第一段，雖然沒有捉住手仔教，但相信已令眾「爵屎」羨慕又妒忌。
作為導演的彭秀慧曾教過Edan演戲，不過因為對方太忙，以致甚少現身上堂，她留言：「嗰段時間啱啱好經歷《E先生》錄音同埋《膠戰》拍攝，所以嚟嘅次數唔多，仲係warm up階段，我覺得自己未真正認識佢，甚至冇認真傾過偈。後來喺MIRROR演唱會後台見到佢，內心雖然好想同佢打招呼，同佢講佢嗰part嘅演出真係好正，但係原來我好怕羞呀，真心唔好意思，驚佢唔記得我嘛。」相信今次在MV合作，可以令二人加深了解。