【獨家】返港賺錢兩個月回歸蘇格蘭 喬寶寶開心宣佈8月抱孫

2021-07-30 00:24
Video Player is loading.
Current Time 0:00
Duration -:-
Loaded: 0%
Stream Type LIVE
Remaining Time -:-
 
1x
    • Chapters
    • descriptions off, selected
    • captions and subtitles off, selected

      喬寶寶開心宣佈8月中抱孫,黑妹姐及一班朋友戥他歡喜。
      喬寶寶開心宣佈8月中抱孫,黑妹姐及一班朋友戥他歡喜。

      3年前見證住大仔「印度豹」娶醫生老婆嘅喬寶寶講明恨抱孫,喬寶寶為咗盡快達成心願,每逢周末就同太太及細仔去妹妹間餐廳幫手兼小住,讓兩公婆可以過吓二人世界!寶寶用心良苦下終於有成果,剛離港的寶寶向本報報喜,興奮表示8月中將榮升爺爺,喬家將四代同堂,認真恭喜晒。採訪:方騫平

      喬寶寶開心宣佈8月中抱孫,黑妹姐及一班朋友戥他歡喜。
      喬寶寶開心宣佈8月中抱孫,黑妹姐及一班朋友戥他歡喜。
      喬寶寶同黑妹姐膚色及笑容都好一致。
      喬寶寶同黑妹姐膚色及笑容都好一致。

      移民蘇格蘭的喬寶寶返港兩個多月後已打道回府,離港前夕契姐黑妹姐(李麗霞)為他搞咗個小型棧別宴,兼且為Joe Junior祝壽,郭秀雲仲帶埋罕有嘅灰鸚BB女賀壽,Joe哥好開心多謝黑妹妹!郭秀雲指Joe哥係50歲生日,而基哥(李龍基)同Joe哥齊齊報喜,表示兩人分別喺9月及10月開演唱會。

      黑妹姐搞聚會為喬寶寶及壽星公Joe Junior送上驚喜。
      黑妹姐搞聚會為喬寶寶及壽星公Joe Junior送上驚喜。
      郭秀雲帶埋罕有嘅灰鸚BB女到場大受歡迎。
      郭秀雲帶埋罕有嘅灰鸚BB女到場大受歡迎。

      寶寶想男女孫都有
      不過,全場最歡喜莫過於趕住返屋企等抱孫嘅喬寶寶,他開心說:「我恨做爺爺好耐,有咁好DNA,不時催促佢哋快啲生,因為媽咪想更上一層樓(四代同堂)。我冇問係孫仔定孫女,我叫佢砌過好字出嚟,最少都1男1女,如果第1個係女,第2個咪搏吓仔囉!第2個係女咪搏到仔為止囉,我要做十兄弟姊妹爺爺!講吓笑啫,其實今時今日生兩至三個就夠,𠵱家冇重男輕女,不過,至少破到我得『兩件』紀錄呀!」黑妹姐說:「呢3年寶寶走咗我有少少冷同寂寞,因為冇人喺身邊講笑,佢玩法似擦鞋仔咁,每次我都好唔捨得佢,記得第一時間畀張孫BB相我呀!」寶寶乘機引黑妹姐笑,他說:「我細個嘅願望就係做可以上到市嘅擦鞋仔!」嚇到黑妹姐馬上修正擦鞋仔說法:「其實細佬氹得我開心啲,甚至有朋友話我哋愈嚟愈似樣,唔好玩啦!」

      喬寶寶同家人開心迎接四代同堂。
      喬寶寶同家人開心迎接四代同堂。
      寶寶攬住大家姐孫女,好快到他湊孫。
      寶寶攬住大家姐孫女,好快到他湊孫。
      大仔「印度豹」不負父母所託開枝散葉。
      大仔「印度豹」不負父母所託開枝散葉。
      寶寶之前曾為印度疫情做義工籌款。
      寶寶之前曾為印度疫情做義工籌款。

      關鍵字

      最新回應

      關鍵字

      相關新聞

      You are currently at: std.stheadline.com
      Skip This Ads
      close ad
      close ad
      本網站正使用 Cookie

      我們使用 Cookie 改善網站體驗。 繼續使用我們的網站即表示您同意我們的 Cookie 政策。 Cookie 政策