與劉倩婷為師妹舉行粉紅睡衣派對 張秀文讚宋宛穎有大姐姐風範

一年一度的選美盛事《2021香港小姐競選》今年以「WE MISS HONG KONG」為大會口號，準決賽及決賽將於8月22日（星期日）及9月12日（星期日）隆重舉行。而一共8集的真人騷《We Miss Hong Kong STAY-cation晉級賽》將於8月9至12日（周一至四）及8月16至19日（周一至四）晚上10時30分於翡翠台播映。

今屆港姐破天荒以真人騷《We Miss Hong Kong STAY-cation晉級賽》進行，28位入圍佳麗早前安排入住西貢WM Hotel，在8位師姐領隊帶領下分成紅、綠、橙及粉紅色4組，參與為期10天的「Stay Battle」，決定哪位佳麗可Stay至最後。經過一輪激烈的組員爭奪戰後，張秀文及劉倩婷的粉紅色組別佳麗成員有：戴佳敏、宋宛穎、王嫿嫿、劉珍寶、朱綽盈、張嘉倩及余曉蕙；兩位師姐更炮製了少女味十足的粉紅睡衣派對，兼送上窩心禮物為一眾師妹兼組員打氣，溫馨爆燈。

張秀文事後接受訪問時坦言由於緊張組員表現，經常「虎爸」上身，更曾因價值觀有分歧與劉倩婷「鬧交」：「佢可能想鼓勵佳麗多啲，我就想提出佢哋要注意嘅嘢多啲，佢擔心咁會打擊到佢哋。其實大家都係為佳麗好，好似爸爸媽媽咁，都係想小朋友好。我係殘酷啲嗰個，所以係虎爸。」不過經過連日來的體驗，有組員向她表示新體會：「佢哋個個都話原來唔只係賣靚，對個人成長都有好大推動同幫助。」

談到與組員相處了足足10天，有否發現任何「反差萌」，秀文笑指宋宛穎（Sabina）最令她改觀：「佢唔係我哋首輪心水，但相處咗後我哋好鍾意佢。佢好生性、好有大姐姐風範，佢會好留意現場發生乜事，再提點其他組員。佢自己又好有預備，兼唔會爭嘢，我會揀佢做班長。」
-------------------------------------