【爸爸錫錫】怕拮親仔女 余文樂隔離出關前要剃鬚

自從娶咗「皮帶大王」個千金王棠云（Sarah)，余文樂近年定居台灣。早前返香港探親，話咁快又飛返台灣喇！昨日，已經身在台灣的余文樂在IG透露已經隔離完，更急不及待要返屋企見下老婆仔女。不過，返歸前最重要係要剃晒啲鬚，話怕錫小朋友嗰陣會拮親佢地喎！認真廿四孝！

執返個靚樣，余文樂準備返歸，仲有老婆做司機揸車接佢。之後余文樂仲上載咗一張囝囝熟睡中嘅相，終於見到個仔喇！