【母子齊影KOL相較量】2歲伯伯面容扭曲 Coffee取笑：表情管理太差
2021-07-24 13:00 
林芊妤（Coffee) 的2歲囝囝翟德彥（伯伯），一向深受網民歡迎。不過，上年Coffee突然宣布唔再更新伯伯IG ，原因係希望佢可以做一個普通小朋友。不過，伯伯嘅個人IG唔更新，但粉絲們仍然可以喺Coffee IG睇到佢近況。
昨日，兩母子齊齊去沙灘玩，順便影下靚靚KOL相。兩母子分別坐喺鞦韆上面擺pose，對Coffee嚟講，梗係Easy job 啦！不過，伯伯就面容扭曲咁，結果俾阿媽取笑：「表情管理也太差了！」Coffee 仲話原來伯伯當時係嫌個沙灘好多垃圾同埋好污糟喎！不過，事後就有伯伯嘅粉絲留言投訴：「唔得咁架！你專登醜化伯伯襯托你既？！你點都係輸架，唔信你post多啲伯伯黎較量下！」伯伯果然好多鐵粉呀！
關鍵字
最新回應