本年度荷里活動畫開畫冠軍 《波士BB 2細祖》勁收逾112萬元

環球電影《波士BB 2細祖》開畫勁收超過$112萬港元，成為2021年度荷里活動畫開畫冠軍！

今集繼續聲演波士BB的BOB（林盛彬）得知好消息後，不停話好開心：「開心係有好成績，多謝電影公司再搵番我配，重加多個好拍檔！更開心係好多人喺我社交平台留言話已買咗飛，睇完再留言同我講真係好好睇！ 其實《波士BB 2細祖》喺暑假上映，好啱一家大細去睇，小朋友睇得開心，大人都會有所體會。」

而新加盟波士BB大家庭，聲演今集新進波士的蝦頭（楊詩敏）直言：「知道《波士BB 2細祖》成為今年荷里活動畫開畫票房冠軍梗係超開心，開心我哋配音嘅電影吸引到大家入場，喺呢個暑假帶到歡樂、刺激、曲折離奇、感動嘅故事！嚟緊會同一個慈善團體（愛在這裏慈善協會）包咗場，等身體有缺陷嘅人都享有平等機會，一齊入場欣賞！」