【獨家】 廿四孝老竇百忙抽空 陳可辛快閃幫個女買泳帽

首先恭喜陳可辛導演，在今屆「香港電影導演會年度頒獎典禮」憑《奪冠》獲得最佳導演及電影，該片女主角鞏俐榮獲最佳女主角，白浪也獲最佳新演員，大掃4獎非常厲害。日前，陳導演揸車現身淺水灣商場，此行目的係為佢個15歲囡囡陳是知。
採訪:張詠森

之前吳君如拍賀歲片《闔家辣》，陳可辛去探班，前者喺IG Po相，見到兩人排排坐喺攝影機後面，當時君如戴上耳筒，似乎一齊睇緊Play back，之後又見到陳導同工作人員一齊食飯盒，君如仲留言：「呢條友特登入嚟片場食crew飯」Hashtag係片場啲飯特別香。

揀唔啱
陪完老婆開工，陳可辛就抽空為個女買嘢。日前見佢揸車去淺水灣商場，一落車就行去運動用品店，喺店內行咗陣就搵到目標，原來想幫個女買泳帽，由於店中選擇唔多，只有一款80蚊的泳帽，問吓店員，自己諗咗陣，都係唔買住，然後再行去買熱咖啡，買完就上返車離開，全程只逗留半個鐘。