寸爆老公湊仔掛住撳電話 Coffee狂換泳衣Sell新貨
2021-07-02 15:00 
31歲已為人母的林芊妤（Coffee）近年轉型做KOL，做得有聲有色，加上她經常在社交網分享可愛兒子伯伯的日常生活，吸引不少人關注。而且Coffee從不吝嗇身材，最近她為推出新產品，就親身做模特兒示範。她一共換上四款泳衣，包括鮮藍、黃色兩款比堅尼，而黑色又分為兩款，其中較保守的一件頭款式，可以變成吊帶或半露肩，不過穿在身材出眾的Coffee身上，不用加墊已看到效果。
Coffee忙於吸金，同時對老公有點微言，事關她叫老公幫手照顧兒子瞓覺，傾完電話後返回客廳，就見到兒子躺在地上睡着，而老公就攤在梳化上睇手機。Coffee留言分享夫妻對話指老公回應：「佢好叻呀自己瞓着咗」，她讚賞兒子外，就加上hashtag「#唔知以為BB畀人扑暈咗」、「#男人式湊仔」，暗寸老公。
關鍵字
最新回應