陳敏之開Youtube大談性事 伍詠薇後悔冇搞陳山聰

陳敏之最近開設自己的YouTube頻道，頭炮邀請「契家姐」伍詠薇（伍姑娘）做嘉賓，大膽談性事！在「快問快答」環節中，問到要「靚仔」還是「巨鵰」？敏之選靚仔，「醜樣點啃得落呀？同埋我好驚咁大，好驚囉！好痛呀大佬！」


向來坦白的伍姑娘就說要「大」，她解釋：「太細好似穿插空氣咁，咬綿花糖咁，咬完就冇咗，男人搵女仔都係搵大胸……熄咗燈，玩大的！」伍姑娘又自嘲年紀大變成「木瓜胸」，幸肚臍生得低，胸部未掂落肚臍。

之後談到三姊弟情，原來她們與陳山聰是在2002年的台慶結緣，獲安排一齊打鼓，夾得來便上契成為姊弟。三人關係維持足足19年，但山聰要扣6年，伍姑娘說：「我哋嗌交呀！不過呢個仔會錫番佢多啲。」她又忽發奇想，問二人上契前發生性關係，之後還可不可以上契。話題中，又談論到山聰的size，
伍姑娘力撐對方「大」，敏之質疑：「邊個男人唔話自己大呀！」伍姑娘隨後再爆料：「肯定（大）呀，有人唱返出嚟！（邊個？）佢嗰時未結婚！（你連人哋啲對手都識！）」

節目尾聲，伍姑娘又提到近年忽然暴瘦一事，原來是在2017年返內地拍攝期間經歷太多苦頭，與助手攬住一齊喊，返港後發現體重只有48公斤，決定以後的人生，「要活喺自己嘅感覺裏面」。