【幸福兒童】大仔坐搖滾區第一排林宥嘉着背心屋企彈結他

2021-07-21 21:30

17年，台灣歌手林宥嘉同丁文琪結婚，18年兒子「酷比」出世，去年3月，女兒「Pippi」出世，湊成一個「好」字。

一家之主要出外賺錢養家，林太主力湊仔，但仍然有時間玩社交平台，內有「拎太太上菜」系列，又有「家中湊仔之日常」系列，兩者都好睇，因為煮食類別唔難整，有簡單製法不過冇材料數量，要自己預囉，煮開嘢應該冇問題，冇煮開嘅出街食啦。

另外湊仔類亦好睇，唔太見到小朋友個樣，只見到佢哋食嘢呀玩呀畫畫呀淋花呀，但相片色彩好靚，拍攝角度亦唔錯，總之，幾好睇。

不過好少見一家四口照，尋日就難得Po咗一張，着住背心嘅爸爸彈結他，囡囡喺佢隔離，囝囝就喺佢前面，林太Caption咁樣寫:「酷比今天坐搖滾區第一排。#Pippi直接在台上？」

估到㗎嘞，可以咁近聽林宥嘉唱歌，成堆網友排隊留言表示羨慕。