鍾嘉欣為家人要保持健康體魄：以前因為工作累積咗好多小毛病同炎症

身在加拿大的鍾嘉欣，目前專心照顧一對仔女外，閒時亦會拍片分享自己的健康心得。日前嘉欣在YouTube頻道拍片， 介紹自家炮製的「Happpy Juice」！嘉欣表示婚後很注重自己的生活作息：「以前因為工作，成日都食啲包裝嘅食物，搞到身體累積咗好多小毛病同炎症，自從結咗婚之後，做為咗有強健體魄照顧仔女，所以決定注重番自己嘅身體，可以有多啲力量照顧仔女同屋企人。」她還表示這個做法亦都是對父母最好的回報。

於是嘉欣展開新習慣，在過去四年每星期都會飲蔬果汁，其中包括有檸檬、青蘋果、西芹和羽衣甘藍等多種蔬菜，嘉欣又會為仔女炮製蘋果橙汁，並從中加入蘿蔔及西芹，她笑言：「佢哋有時讚話好味呀！」見到她全程戴上手套，原來她一方面是因為衛生，但另一方面更自爆因此有主婦手：「我之前好唔錫身，我唔用手套，隻手開始變乾，變咗主婦手，但我唔想佢咁早嚟，所以就開始戴手套。」但她覺得為了自己和家人的健康，所有付出都係值得。