疫情放緩係咁搞聚會陳敏之終於攬到楊茜堯個女

2021-05-18 15:42

陳敏之呢期好多聚會，早前就約咗黃伊汶同佢個仔陳真，又同胡杏兒一家去主題公園慶祝母親節，呢兩日就約咗陳山聰父子及楊怡（現改名楊茜堯）母女。

陳敏之尋日喺IG貼咗跟陳山聰同囝囝Jaco嘅合照，今日就輪到同楊茜堯及小珠珍的合照，一歲小珍珠眼仔碌碌好似老竇，陳敏之留言說：「好開心呀！終於見到好姊妹一家，同埋靚靚小珍珠！真係人見人愛，長得美美的小公主。我們這班一起長大的好友，而家個個都結婚生仔了！大家都有唔同嘅階段，現在應該是另一種幸福吧！下次我哋有小朋友聚會，小珍珠一定要一齊參加啊！很喜歡妳喔！」又啊又喔咁，楊茜堯留言表示約咗幾次先成功見面。她說：「約了又約，約了又約，終於見面啦！我們這些父母都是長不大的孩子，希望孩子們長大後都要像我們一樣，繼續相親相愛。 JacoBB好可愛，敏之EE，期待下次再帶我們好玩的地方！」