同C朗望住靚海睇電視 C朗嫂貼黑白半裸照晒結實靚股

2021-07-20 02:30

因為葡萄牙喺歐國盃神早出局，所以冇波踢嘅C朗（Cristiano Ronaldo）一早就帶埋一家六口去西班牙小島Majorca度假。坐超豪華郵艇玩咗一排，曬咗一身超健康膚色的C朗嫂Georgina仲去埋康城影展。

去完康城影展，C朗嫂又返上豪華郵艇繼續旅程，對自己身材超有自信嘅佢仲搵人影咗張Wide Shot黑白半裸照，可以睇到C朗嫂有個結實靚股，雙腿線條亦好靚，成張相意境都幾高，C朗影相攞角度都唔錯喎，估係佢影咋，唔係仲有邊個啫。之後C朗嫂又Po Story，雖然唔見樣剩係見腳，但肯定係C朗伉儷，兩條友瞓喺床望住個靚海睇電視，唉，好想去旅行呀。