【東奧】知主人離港有排冇得見 歐鎧淳執完行李有愛貓陪瞓

東京奧運將於周五開幕，香港泳隊奪得10張東奧入場券，至於曾擔任香港代表團開幕禮持旗手的歐鎧淳(Stephanie)，作為多項香港游泳紀錄保持者，她去年8月在世界盃100米背泳游出1分00秒22獲得銅牌，生涯首度達到奧運A標，成為香港首位4戰奧運的泳手，也是今屆港隊唯一的「四朝元老」。

29歲的Stephanie昨日執行李，由乜都冇到放滿成個行李箱，全程影晒相，執完仲有愛貓陪瞓，可能小毛孩有同主人暫時分離嘅預感，主動黐實瞓覺，見到歐鎧淳嘅滿足笑容，估計平時貓貓應該唔多陪佢瞓。

東奧泳賽將於7月24日展開，歐鎧淳則於25日香港時間傍晚6時亮相女子100米背泳初賽。加油呀。