新歌與女殭屍糾纏 馮允謙狂操fit準備半裸騷肌

2021-07-19 18:30
Jay減食量兼狂做運動,明顯瘦了一個碼。
Jay減食量兼狂做運動,明顯瘦了一個碼。

馮允謙(Jay)最近推出新歌《因愛之罪名》,MV故事延續上一首歌《思念即地獄》,他為追捕女吸血殭屍走到紋身店,二人打起來,女殭屍握住他的頸,互相不忍了結對方生命,最後Jay交出子彈離開。

Jay減食量兼狂做運動,明顯瘦了一個碼。
Jay減食量兼狂做運動,明顯瘦了一個碼。
未位埋時,Jay隨手便拿起八公升大水樽狂舉。
未位埋時,Jay隨手便拿起八公升大水樽狂舉。

首次踏足紋身店,Jay坦言一直有紋身念頭,尤其對啤牌中的葵扇A情有獨鍾。他說:「我好喜歡Ace of spages,因為可以代表我對人生嘅諗法,人生好似賭博,好似有人覺得我中文唔叻,點解要返嚟香港參加歌唱比賽?其實我就係想賭一鋪,做人有時要冒險。」今次Jay嘗試新曲風,同時參與作曲和填詞部份,他說:「歌詞意思係講一啲得唔到大眾接受嘅愛情。(你多唔多感情煩惱?)每個人少少都會有,但我唔鍾意講,唔想影響情緒。不過好多朋友鍾意搵我傾,唔一定好大問題,只係想搵人傾訴,我係一個好好嘅聆聽者。」

Jay一直希望紋葵扇A。
Jay一直希望紋葵扇A。
新歌MV為追捕女吸血殭屍走到紋身店。
新歌MV為追捕女吸血殭屍走到紋身店。

MV通宵拍攝,期間團隊食完晚餐再食消夜,現場還有大量零食,但Jay非常自律,捧着自備的營養餐盒,只有車厘茄和火雞肉三文治;未埋位時還狂做掌上壓,隨手便拿起八公升大水樽狂舉,手瓜胸肌谷到漲卜卜。他說:「跟營養師餐單差唔多一個月,已經慣咗,唔再掛住Burger和Pizza,好多朋友都話我瘦咗,令我更有動力。我想健康同操Fit啲,所以仲會去做Gym。我細佬喺屋企見我食得少又要做運動,話覺得我好慘。」問幾時除衫讓大家欣賞他努力成果?Jay哈哈大笑說:「最初目標只係想去沙灘游水唔好失禮,不過如果能操得更Fit,可能下個MV會除晒……上衫!」期待Jay派福利。

新歌MV故事延續上一首歌《思念即地獄》。
新歌MV故事延續上一首歌《思念即地獄》。
二人互相不捨殺對方。
二人互相不捨殺對方。
營養餐盒只有車厘茄和火雞肉三文治。
營養餐盒只有車厘茄和火雞肉三文治。
最後Jay交出子彈。
最後Jay交出子彈。
關鍵字

最新回應

關鍵字

相關新聞

熱門文章