新歌与女僵尸纠缠 冯允谦狂操fit准备半裸骚肌

冯允谦（Jay）最近推出新歌《因爱之罪名》，MV故事延续上一首歌《思念即地狱》，他为追捕女吸血僵尸走到纹身店，二人打起来，女僵尸握住他的颈，互相不忍了结对方生命，最后Jay交出子弹离开。

首次踏足纹身店，Jay坦言一直有纹身念头，尤其对啤牌中的葵扇A情有独锺。他说：「我好喜欢Ace of spages，因为可以代表我对人生嘅谂法，人生好似赌博，好似有人觉得我中文唔叻，点解要返嚟香港参加歌唱比赛？其实我就系想赌一铺，做人有时要冒险。」今次Jay尝试新曲风，同时参与作曲和填词部份，他说：「歌词意思系讲一啲得唔到大众接受嘅爱情。（你多唔多感情烦恼？）每个人少少都会有，但我唔锺意讲，唔想影响情绪。不过好多朋友锺意搵我倾，唔一定好大问题，只系想搵人倾诉，我系一个好好嘅聆听者。」

MV通宵拍摄，期间团队食完晚餐再食消夜，现场还有大量零食，但Jay非常自律，捧着自备的营养餐盒，只有车厘茄和火鸡肉三文治；未埋位时还狂做掌上压，随手便拿起八公升大水樽狂举，手瓜胸肌谷到涨卜卜。他说：「跟营养师餐单差唔多一个月，已经惯咗，唔再挂住Burger和Pizza，好多朋友都话我瘦咗，令我更有动力。我想健康同操Fit啲，所以仲会去做Gym。我细佬喺屋企见我食得少又要做运动，话觉得我好惨。」问几时除衫让大家欣赏他努力成果？Jay哈哈大笑说：「最初目标只系想去沙滩游水唔好失礼，不过如果能操得更Fit，可能下个MV会除晒……上衫！」期待Jay派福利。