【盛．舞者】錢嘉樂想玩都郁唔到 狄易達「紅帽」自勉別放棄

TVB舞動綜藝人真人騷《盛．舞者》昨晚播出第二集，以「共融」為題，正式進入故事及跳舞模式，讓各位舞界人士各自訴說他們的跳舞故事。1984年已參加霹靂舞比賽的主持錢嘉樂感嘆：「呢個世界已經係啲後生仔㗎喇，我哋老了，郁不到了。我參加霹靂舞大賽時，睇你都未出世，但我又真係想你哋參埋我玩，年輕真好！」另一主持Jace（陳凱詠）就鼓勵大家不要因為年紀大了放棄跳舞：「跳舞邊有分年紀㗎？只要你鍾意跳舞，可以跳一世都得。」


導師狄易達、麥秋成與王君馨亦作深情分享，當中達仔的故事感性又勵志：「細個BATTLE親都覺得自己會輸，我就用『紅帽』勉勵自己，叫自己熱血啲、唔好咁易放棄。因為學Breaking唔係日計，係以年計。學一個動作，可能一年先進步一個圈，要堅持住。平時唔跳嘅人，係幻想唔到嗰種辛苦，係出咗所有力，都未必得到，但唔用力，就冇可能達到，所以要堅持！」

麥秋成則展示手上的搶眼紋身「尊師重道」，並指其代表着舞者精神：「跳舞唔單止學肢架動作，係學嗰種精神。無論咩舞種，堅持精神都係第一！同埋我哋要尊重彼此，起舞並存，呢個係我老師教嘅。」君馨則指主要透過舞蹈感受情緒，並從而將之自由抒發。
眾舞者之中，客串角色多年的袁鎮業自言以前全職跳舞，因為傷患所以轉行。方紹聰（奶仔）則自爆在TVB已經11個年頭：「TVB演員乜都識！我強項係慈雲山大髀王，我肯定係呢度大髀最粗嘅！」