就嚟生影玩嘢大肚相 美國女歌手Halsey全裸搽滿油

一月尾，曾跟韓國天團BTS合唱的26歲美國女歌手Halsey在IG分享大肚照宣布有喜，Halsey之後訪問中自爆曾3度經歷流產，原因是子宮內膜異位症，她曾表示比起做明星，更想成為媽媽。

就嚟生得的Halsey日前宣布將於8月27日發行第四張專輯《If I Can’t Have Love， I Want Power》，主題係關於懷孕和分娩的歡樂及恐怖，而封面就傳達咗佢佗B呢幾個月嘅心路歷程，亦強調懷孕與產後的身體好靚好值得被欣賞，「在消除社會關於身體與親餵母乳上的偏見，我們還有好長一段路要走，希望這是邁向正確的一小步。」Halsey穿上文藝復興時期嘅衫兼拉開心口露點拍攝封面，頭頂皇冠抱著BB嘅坐喺王座之上，非常霸氣。

Halsey又為雜誌影封面特輯，影大肚相唔一定披塊紗懶有詩意，Halsy就影咗輯玩嘢大肚相，有全裸兼全身搽滿藍色油，又會跳起影相，造型及動作多變，好過癮。