遲婚未能如願生育 商天娥因老公有潔癖放棄領養

入行38年，商天娥是當年電視台力捧的花旦，但她卻非常專注地談戀愛。她於2010年40多歲時才與男友Patrick結婚。有說男方之前暗戀她10多年，一直未婚默默在等待她，商天娥聽罷哈哈大笑：「呢樣嘢你要問佢，我唔方便問，我真係咁耐都冇問過佢。其實我唔介意，亦都無所謂，大家都係40幾歲成熟嘅人，問咁多做乜？我要嘅係依家嘅佢！我好記得，我哋第一次單獨約會，佢話：『我唔係好有錢，你唔會介意嗎？』我就話咁就好囉，我唔鍾意好有錢，夠就得啦！」
商天娥一直的心願是能夠生兩個女兒，可惜兩夫妻遲婚未能如願，亦明白不可以強求：「我同老公曾經諗過領養，好啦，真係要去領養嘅時候，老公係有潔癖嘅，佢擔心細蚊仔父母DNA有乜嘢，萬一有惡習脾性等等點算。我就話算啦，我哋放棄呢個念頭，兩個相親相愛就夠。」