《好聲好戲》口碑好祖藍同志偉有共識會試多啲新嘢

2021-05-28 19:29

今日王祖藍以TVB創意總監身份出席新偵探節目《死因有可疑》的錄影探班活動，被問到節目誕生原因，祖藍解釋去年亞太區最近掀起偵探節目熱潮，自己亦於內地製作同類型節目經驗，另外因為TVB有兩位年輕製作人主動負責製作。「我覺得係時候喇，一來有好市場，二來可以畀到年輕幕後發揮。」更指這一年和副總經理（曾志偉）已有共識：「希望畀我哋空間，同時畀幕後團隊試多啲嘢。」

祖藍表示收視固然會顧及，但不是最重要。重要的是給新人創作機會，預告下半年亦好多同類節目。被問是否對收視及口碑都有信心？祖藍提到《好聲好戲》口碑不錯，觀眾亦可了解藝人另一面，而《死》是發掘幕後另一面。不知道此舉是否受近期HIT爆的ViuTV節目《ERROR自肥企画》幕後「無制限OT編集団」走紅的影響，將幕後推至幕前？

提到TVB最近推出網上節目《姐姐郊遊遊》，網民批評節目名抄襲ViuTV舊節目《美女郊遊遊》。祖藍表示網上好壞聲音全部都有留意，會積極改進。提到TVB好像千瘡百孔，是否有點費心費力。祖藍指自已剛就任創意官兩個月，一直跟每個部門了解問題：「一間大公司咁多部門，每日都唔知約唔約到一個部門傾，每日一個都有排處理。」他強調台前幕後仍然好有火，現階段是一同反省，容許犯小錯，因怕令幕後同事士氣變差。另外，除了自己用心製作的綜藝，談到原本由他主演出的新劇《痞子殿下》正在拍攝中，祖藍表示很想去探班。他搞笑說：「原來周家洛好高，辛苦服裝部要花好時間改長啲衫。」