囡囡化身小公主 張繼聰認已迷醉：投晒降！

張繼聰和謝安琪（Kay）在2007年誕下長子張瞻（James），相隔十年，細女張靖（Karina）出生，所謂「孻仔拉心肝，孻女拉五臟」，一家人都特別疼錫Karina。

一家四口日前到主題樂園Staycation，張繼聰一向視囡囡Karina如小公主般，今次夢想成真，為愛女穿上粉藍紅色公主裙及戴上后冠，張繼聰留言：「通常等『人哋』或者自己化妝扮靚，都係耐性嘅修練，不過今次，真係一邊等，一邊迷醉，投晒降！」阿聰在社交平台上載的相片中，還有與囝囝深情對望，而Karina未換新裝前，則悠閒地坐在一張豪華梳化上，又挺胸望住窗外風景，似乎非常享受公主「城堡」中的主公主式生活。

另一邊廂，阿Kay亦不愁寂寞，有大仔James陪住，兩母子在城堡前影合照，阿聰笑言：「一人一個，唔好爭。」