【Juicy叮】怒斥家婆擅帶孫去食火鍋無常識 港媽爆粗：知唔知好危險

婆媳之間或許對子女管教方式常有分歧，有港媽在「香港討論區」發文，怒指家婆擅自帶幼孫去食火鍋，港媽聞言後破口大罵「知唔知好危險架！」，又質疑「淥親阿B點算呀？」。

港媽指，問兒子「阿B」其祖母前一晚帶了去哪裏用餐，「阿B話奶奶帶咗佢去打邊邊，我咪問佢打乜邊邊，阿B話夾住啲嘢係滾水度滾滾下再食，咁咪即係打邊爐？」。

港媽得悉後大怒，「奶奶係唔係XXX架？佢自己想去咪自己去食囉，點解要帶個小朋友去打邊爐？」。港媽指，「疫情嚴重，打邊爐又咁唔衛生……容乜易隨時中肺炎？」

港媽又質疑，「小朋友唔食得生嘢，打邊爐啲嘢又唔方乾淨得去邊，一陣啲丸同啲生肉放埋一齊上枱，小朋友唔識分，滾兩滾就食，同食生肉落肚無分別！啲嘢又多油！！食完對小朋友身體唔好架！」

港媽又認為，「小朋友食飯都唔會坐定定係度，一定會走嚟走去，啲人又成日拎住啲熱湯底行嚟行去，再加上小朋友手唔夠手（長），一定會半個人上枱先可以滾滾下，一陣一個唔小心，啲熱水淥親阿B點算呀？」港媽破口大罵，「XXX，一個有常識嘅大人都唔會帶個小朋友去打邊爐啦下話」。

有人理解發文者，「帶小朋友打乜嘢邊爐， 佢哋又唔坐得耐」。

但也有人認為是小題大做、「你奶奶食鹽多過你食米，對佢無信心，就唔好畀細路跟佢。家有一老，如有一寶。」、「又一個怪獸家長，小朋友下下咁受保護溫室長大......日後受少少苦咁點算。」、「原來打邊爐是這麼危險的，咁就以後都唔好去喇！嘩！去街都好危險，以後都唔好出街喇！地球都好危險，都係返火星好。」

更有人覺得發文者不懂等敬老，「我感受到奶奶係你眼中係做乜都係錯」，「樓主做人的態度有問題，他朝處境也一樣，慢慢受返」。

帖文轉載自《奶奶尋晚暪住我帶小朋友去打邊爐，知唔知好危險架！！！》