【維港會】丈夫欲帶2歲兒打邊爐 港媽批考慮不周：發生意外點算？

孩子的安全，永遠都是父母最緊張的事情。近日一名港媽在「生仔要考牌系列」Facebook專頁投稿，大呻老公思想不夠成熟，在未有考慮2歲兒子可能發生意外的前題下，提出一家三口出席同事的火鍋聚餐：「點解有小朋友之後，永遠都係媽媽考慮嘅嘢多咗，爸爸好似仲停留喺拍拖階段咁？」

港媽表示，早前臨近聖誕，丈夫同事相約打邊爐聚餐，遂向她提出一家三口，帶同2歲的兒子一同出席。港媽表示，打邊爐沒有合適的食物予仔仔作晚飯，而且更會有發生意外的危險，因此斷然拒絕。

港媽解釋，自從仔仔出世後，無論任何社交活動，她永遠都會先估量發生意外的機會，繼而才考慮是否出席。她指丈夫雖不太明白她的意思，但最終都未有應約出席，「只係一直心裏面覺得自己好似好偉大，留喺屋企陪老婆小朋友咁……」

幾天之後，港媽與丈夫逛商場時遇到一個小朋友大哭，原來有位媽媽帶著兩個分別7、8歲和5、6歲的兒子食湯麵，期間湯麵不慎打翻在哥哥身上。「路人即刻幫手，除咗哥哥上身衫，再用水降温；弟弟喺側邊見到嚇到喊，但中年媽媽分身唔到去安慰，周圍亦唔見爸爸蹤影。」

事後港媽藉以打翻湯麵的意外，再次向丈夫解釋拒絕帶仔仔去火鍋聚餐的原因：「你依家明唔明白點解拒絕帶小朋友去火鍋店？一個7、8歲小朋友食湯麵都會發生意外，火鍋店更唔係一個適合2歲小朋友去嘅地方，你明嗎？」

港媽最後指，丈夫聽完她的話後，好像終於明白了自己的用意，而她就不禁感嘆一句：「點解有小朋友之後，永遠都係媽媽考慮嘅嘢多咗，爸爸好似仲停留喺拍拖階段咁？」