【偶包外太空見】《大叔》同簡慕華練美娟鞭「小三」 Edan扮修女晒腿又走光

2021-07-02 11:00

ViuTV《大叔的愛》昨晚一集講述由呂爵安（Edan）飾演的「田田」知道上司「KK」（黃德斌飾）的偷食對象叫「Tina」，誤以為對方是為了掩飾偷情才向自己表白，但不知「KK」老婆「Francesca」（簡慕華飾）聽錯「田呀」為「Tina」。之後Edan發夢與簡慕華，以及練美娟（娟姐）飾演的爆料同事「Carmen」化身修女瘋狂鞭打「Tina」！

Edan在社交網上載三人合照並留言：「修女三人組出場了！！呢幕拍嗰陣已經笑到想死😂真係好cls（黐X線）。」他又自爆拍得太興奮結果走光：「呢Take仲要唔小心勾到條裙，走晒光！😳😳🤣🤣🤣🤣Feel到下半身突然涼一涼我就知咩事了😂😂即刻好想笑😂😂真係攞命😆😆😆」Edan更撩起長裙影相，大方晒出美腿，不過崩壞劇情令他笑稱要家長指引，又指「偶包（偶像包袱）要去外太空執」！