Jer出新歌再挑戰新Style AL開心有跳唱騷帶四Dancer晒冷

MIRROR成員Anson Lo（盧瀚霆、AL）及Jer（柳應廷）周四（24日）舉行線上音樂會《JOOX Live 2021 Anson Lo x Jer 全民Tea Master》。兩人獻唱多首人氣Solo作，包括《EGO》和《風靈物語》，更翻唱隊友姜濤的《孤獨病》及《一號種籽》，令鏡粉們好驚喜。


ViuTV《大叔的愛》今晚首播，AL與另一隊友Edan（呂爵安）合唱主題曲《突如其來的心跳感覺》，他會另外演唱片尾曲。今年3月才剛推出《狂人日記》的Jer指新歌已完成錄製：「會係未試過嘅曲風，MV完成拍攝後就會喺7月中至尾推出！」

兩人被問到短期內想有甚麼新嘗試？雙方異口同聲表示最想推出跳唱歌，較擅長唱歌的Jer笑言：「諗吓咋，哈哈！」AL上一首跳唱歌已經是今年初的《EGO》，「《EGO》呢幾個月唱咗好多次，而家都有個跳唱Idea，不過真正下一首歌會係Cute cute風格。」

Jer透露今次音樂會AL的跳舞環節好正：「因為冇冷氣，AL跳到身水身汗，仲有伴舞，大家一定不容錯過。 」他嚇得AL回應時帶晒頭盔：「講到我好勁咁，唔好俾佢嚇親，冇咁誇張。花姐（MIRROR經理人黃慧君）有問過我要唔要帶Dancer，我話要帶，因為難得有個騷畀我可以做跳唱，一定要做到最完整，所以就帶咗四個Dancer嚟。」AL又反提議大家留意Jer的演出：「Jer好少唱《風靈物語》，好有幸聽到佢唱Live。」

ViuTV《調教你MIRROR》最近熱播，花姐大讚AL經梁祖堯調教後，開始敢於表達己見。問AL以往會否因不同標籤而感到自責或不開心？他說：「嘩！呢個問題好深奧，不過表達意見方面而家應該冇咁慢熱。」此外，今次音樂會將在7月10日於JOOX上架供VIP用戶重溫。