【調教你MIRROR】Stephy驚喜現身睇鏡仔打波 Jer學功夫掛住笑賴Edan唔認真

ViuTV《調教你MIRROR》播到最後一周，12人先剖白心底話，姜濤表示要相信大家，保持初心；Ian（陳卓賢）指如果大家維持這顆心，MIRROR不會輕易解散。Edan（呂爵安）就透露：「入Camp前覺得MIRROR問題好難解決，因為真係水深火熱，冰封三尺非一日之寒。積咗好耐誤會好深，又冇機會解釋，想一直捱落去就算。入Camp之後大家都有去為團隊努力，問題解決後Enjoy得多，搵番團火。」

梁祖堯（祖祖）帶一班「鏡仔」跟黃飛鴻第五代弟子金博賢師傅學功夫，Jer（柳應廷）拍攝時忍不住笑，被Cam Man拍頭。他將忍唔到笑的責任賴在Edan身上，「佢啲表情太好笑，咁啱全部人都對住師傅，得我一個睇到佢個樣。」祖祖挑選Jer及跆拳道黑帶的Edan與金師傅格鬥，而前者更要唱住Solo曲《狂人日記》對打。

之後曾與MIRROR拍攝《男排女將》的鄧麗欣（Stephy）驚喜現身，令成員們好興奮。12位成員分兩組進行排球比賽，之後大家又打籃球，祖祖達成姜濤願望，送贈新籃球給他。途中有人跌倒，笑指自己「太入戲，仍當MIRROR係徒弟」的Stephy即面露着緊表情，令祖祖笑稱他們像父母看兒子打波。

提到Jeremy（李駿傑）演《男排女將》時角色沒有對白，Stephy表示：「Jeremy太少講嘢，我覺得自己唔太了解佢，不過明佢感受，見到佢哋齋坐好悶咁。」祖祖透露Jeremy拍攝時不太開心，更經常與Alton（王智德）一齊等收工。最後Stephy向MIRROR成員逐一說出鼓勵說話，她又在社交網上載合照並留言：「他們12，讓我想起我們9（指Cookies）…回憶有時候很殘忍，但確實很可貴。珍惜你們現在，回頭看一定都是美好和感動！」