【獨家】執導微電影連奪三個獎項 張子丰指蔡思貝絕非姣精

33歲張子丰(Fred)多才多藝，除唱歌外早前以黑社會為題材拍成微電影《有拖冇欠》，更在《第8屆微電影創+作》連奪3獎。而之前Fred為蔡思貝翻唱嘅國語歌《太陽》操刀拍MV被指係「兵仔」，他強調唔接受做「兵」，敖嘉年取笑他：「你既然冇女友，我介紹我『妹妹』你識啦！」而他口中妹妹，就是由他反串的分身。採訪：方騫平 攝影：譚壹致

微電影《有拖冇欠》係講一個追數佬戀上債仔嘅有趣故事，Fred分別取得「最佳微電影編劇」金獎、「最佳微電影製作」 金獎和「最佳微電影男主角」，因為專業組競爭對手好大，張子丰估唔到有咁好成績，他形容賽果公布當天心情緊張，同事聚埋喺公司睇直播，但他寧願同朋友落樓下食飯打發時間嚟減壓，直至收到恭喜短訊先返公司。𠵱家Fred最想再下一城，搵到投資者將微電影拍成電影。

拒絕做兵
提到之前張子丰幫蔡思貝翻唱嘅國語歌《太陽》拍MV，事後兩人分別將MV上載於社交網曖昧傳情，思貝不諱言「當天如小孩般快樂。」Fred回應「美麗的事情發生了。」Fred解畫：「只不過係思貝第一次唱歌，我哋都鍾意拍出嚟嘅MV作品，佢有啲有感而發啫，其實我只係幫佢拍個MV咁簡單，亦唔係做『兵』。」敖嘉年即表態：「我唔得做『兵』！不過，有啲男人會接受到。」張子丰同意見解：「做『兵』開始去建立兩者關係都唔平等，而且做『兵』唔係一件正面事。」Fred眼中嘅蔡貝思唔係放電嘅「姣精」，反而覺得她man man地，係好努力嘅女仔。敖嘉年都忍唔住笑Fred：「佢係膠做，睇嚟完全唔過電。不如我介紹我『妹妹』畀你識吖。」