四大唔睇就笨理由 《盛夏友晴天》小海獸變人追夢歷險記
2021-06-05 08:00 
繼《靈魂奇遇記》後，迪士尼與彼思今夏帶觀眾遊走熱情嘅意大利，展開神奇好玩又刺激的夏日歷險之旅！全新力作《盛夏友晴天》（Luca）由《玩轉極樂園》（Coco）、 《玩轉腦朋友》（Inside Out）及 《反斗奇兵》（Toy Story）超強班底製作。有靚景有搞笑有冒險有感動仲有向日本動畫大師宮崎駿致敬環節，福袋式內容，總有一款啱你心水。
第一:睇咗當去咗
好想好想好想好想去旅行?除咗叫你早啲瞓發個好夢，入場或者幫到你。電影以里維埃拉 (Riviera)的美麗臨海小鎮為故事背景，每格靚景都可以用嚟做Wallpaper，當中包括陽光與海，以及山崖的彩色小屋，甚至令人垂涎的意大利美食如意粉和Gelato雪糕，更有大家熟悉的意大利經典Vespa電單車穿梭其中，處處洋溢別具風情的地中海色彩。去唔到旅行?睇咗當去咗，意大利等我呀。
第二:新奇好玩又刺激
由兩位小海獸擔任主角，造型非常搞鬼。講述小海獸由海洋走上地面化成人類，一邊跟新朋友組成「弱雞小隊」，一邊隱藏身份避免人類發現，展開一段改變一生的刺激好玩大冒險！
第三:玩那些年回憶引你喊
彼思動畫一向言之有物，大人小孩必定有所啟發。這次小海獸跳出Comfort Zone的成長冒險故事，帶領我們回想起那些年與好友的友情和夢想，導演表示電影是「給盛夏少年的我的一封情書」，講到咁明，成年觀眾要帶定紙巾入場嘞。
第四:向日本動畫大師宮崎駿致敬
電影由彼思短片《月亮》（La Luna）金像提名導演恩里科卡薩羅薩（Enrico Casarosa）的自身經歷所啟發，導演自小就在意大利里維埃拉長大，童年更深受日本動畫大師宮崎駿影響。這次他發揮澎湃想像力，將童年回憶變成非一般的彼思動畫向大師致敬。
電影將於6月24日上映！
最新回應