【獨家】首做舞台劇包晒台前幕後三餐湯水 黎瑞恩演蠢秘書對馬浚偉改觀

2021-06-04 23:17
同黎瑞恩共存咗8年嗰兩個良性胰臟瘤突然消失咗,連日來小恩子綵排馬浚偉投資嘅舞台劇時都特別開心,不時請團隊食嘢。
同黎瑞恩共存咗8年嗰兩個良性胰臟瘤突然消失咗,連日來小恩子綵排馬浚偉投資嘅舞台劇時都特別開心,不時請團隊食嘢。

48歲黎瑞恩於8年前發現胰臟有兩個良性瘤,醫生當時跟她說除了做手術切除冇其它方法,並忠告她:「你以後開心啲嘞!」近日小恩子發燒兼肚痛入院,她以為時日無多,經檢查後胰臟的兩個瘤竟神奇消失。小恩子經已出院,心情靚爆的她好開心地繼續投入舞台劇《男人40 CEO》的綵排。採訪:方騫平

同黎瑞恩共存咗8年嗰兩個良性胰臟瘤突然消失咗,連日來小恩子綵排馬浚偉投資嘅舞台劇時都特別開心,不時請團隊食嘢。
同黎瑞恩共存咗8年嗰兩個良性胰臟瘤突然消失咗,連日來小恩子綵排馬浚偉投資嘅舞台劇時都特別開心,不時請團隊食嘢。
因為合作舞台劇,黎瑞恩對馬俊偉完全改觀。
因為合作舞台劇,黎瑞恩對馬俊偉完全改觀。

因為受疫情影響,由馬浚偉投資、編、監、導加主演嘅舞台劇《男人40 CEO》由去年9月公演,順延至6月11日至6月26日於香港藝術中心上演10場。目前排練得如火如荼。第一次做舞台劇的小恩子演一個冇乜腦的私人秘書「朱玉珍」遇上寸嘴mean爆CEO的故事。馬仔話角色非小恩子莫屬,因為現實中的她是一個冇機心嘅人。

首做舞台劇嘅小恩子同馬仔講到明,唔准畀面色佢睇,否則一定閃人。
首做舞台劇嘅小恩子同馬仔講到明,唔准畀面色佢睇,否則一定閃人。
由馬浚偉投資、編、監、導加主演嘅舞台劇《男人40 CEO》順延至月中終於上演。
由馬浚偉投資、編、監、導加主演嘅舞台劇《男人40 CEO》順延至月中終於上演。

邀請三次先答應
到底馬仔點樣去打動小恩子獻出第一次?他笑說:「其實早喺《偶然徐志摩》時,我都問過佢有冇興趣玩?佢即耍手話『梗係冇啦!激死你都似,我唔記得嘢㗎!』當時我心諗,佢真係黐黐哋(線)喎!今次係我第3次邀請佢演出,解釋除咗個劇啱佢外,仲想幫到同業有工開,最後感動到佢,仲拍心口話由排戲到演出,所有食飯、零食由佢包起,甚至會提供埋湯水畀台前幕後。」

小恩子笑指馬仔的確煩咗佢好多次,她坦承:「其實之前我聽過馬仔唔少壞話,而佢有直接同我解畫,解釋『呢個世界做乜都會畀人話唔好,去到戲劇圈子更複雜,每次同50至100人開工,總有人服你,有人唔服你。』不過經過今次合作,我對佢改觀咗,因為佢個人好有心,冇扮嘢,仲好體貼。」

去年綵排時,演員之一嘅林子博仲帶埋太太董燕君去探班。
去年綵排時,演員之一嘅林子博仲帶埋太太董燕君去探班。
馬仔好照顧林子博,除咗安排他演出賺錢外,近日綵排完都有同子博仔女食飯。
馬仔好照顧林子博,除咗安排他演出賺錢外,近日綵排完都有同子博仔女食飯。
小恩子兩個胰臟良性瘤離奇消失咗,醫生話只係腸胃炎,所以好快可以出院。
小恩子兩個胰臟良性瘤離奇消失咗,醫生話只係腸胃炎,所以好快可以出院。
小恩子囡囡已亭亭玉立,兩母女成個餅印咁!
小恩子囡囡已亭亭玉立,兩母女成個餅印咁!
近年馬仔百足咁多爪,仲做埋TVB藝訓班校長。
近年馬仔百足咁多爪,仲做埋TVB藝訓班校長。
小恩子每次綵排都提供食物畀台前幕後,團隊成員相當有口福。
小恩子每次綵排都提供食物畀台前幕後,團隊成員相當有口福。
關鍵字

最新回應

關鍵字

相關新聞

熱門文章