被批天作之合吉日係拍拖周年 林泳淘與初戀男友結咗婚喇

31歲的林泳淘上月在社交網上載拖手相，宣布與拍拖14年的初戀男友林卓立結婚。她今早在IG發文貼出婚紗照Sweet爆公告已成林太，「對於新嘅身份，我仲係無乜實感，（努力執屋中）不過林生就好開心，（幸福mode執屋中xdd）」，言語間都放晒閃。

泳淘透露二人去年先後撞車，好彩冇大礙所以決定去還神，對八字時更被讚是天作之合：「師傅見到我哋個八字就話『哇，你兩個人真係天作之合，個八字咁夾嘅，有無諗住結婚呀？』林生就好爽快咁話『有呀！』」之後她才知道老公一早已訂好戒指，但因疫情物流受阻，一直未能寄到香港。

泳淘續指，師傅擇的兩個吉日之一更是兩人的拍拖紀念日：「2021年5月29日，我同林生都多了一個身份，多了一些家人，多了一份責任。但不變嘅係，我哋應該會繼續相愛相殺，直到海枯石爛，直到生命終結，直到永遠永遠。」