【咁計較】投訴抽馬國明水 湯洛雯詐蕭正楠型要求幫返男友宣傳新劇
2021-05-31 18:28 
湯洛雯（靚湯）與蕭正楠今日宣傳TVB新劇《一笑渡凡間》，阿蕭透露本周開始了與靚湯的感情線，劇中靚湯將會由捕快變身女裝示人。阿蕭笑言難得見到靚湯靚得一次，他即時變咗流口水「馬明樣」對住靚湯，但靚湯卻冇Feel笑指唔似，靚湯反而投訴阿蕭經常抽馬國明水嚟宣傳劇集，故要求阿蕭要幫手宣傳返由馬明主演，6月14日播出嘅新劇《寶寶大過天》，阿蕭口爽爽地應承：「冇問題，我仲拉埋香香（岑麗香）一齊嚟宣傳！」即被起鬨要扮成BB現身！因為馬明身在內地工作，有機會缺席《寶寶大過天》宣傳。
靚湯又指阿蕭與沈震軒齊齊杯葛她，他解釋當時正與沈震軒傾劇本：「我同靚湯無話可說，真係唔明白點解安排我同沈震軒都鍾意靚湯，好難演呀！」
提到馬明經常分享小馬公仔，靚湯笑言公仔是被男友據為己有了，希望馬明不要將公仔五馬分屍。另外，阿蕭難忘在劇中以膿瘡妝示人，每次更要花費兩到三小時化妝，都忍不住睡著，更試過一次躺著睡讓化妝師幫他化妝，但才發現是不吉利直言以後都不敢了。
關鍵字
最新回應