三點式慶生冇求婚 湯洛雯爆馬明首去Staycation
2021-05-17 11:00 
湯洛雯（靚湯）及蕭正楠的新劇《一笑渡凡間》下周一（24日）首播，二人昨晚在《開心大綜藝》表演短劇宣傳。問到蕭正楠驚唔驚要即場爆肚？他笑笑口說不怕，但一旁的靚湯笑言驚爆粗，阿蕭即指：「佢要即場發揮，講四、五個字嘅對聯，如果到時不慎爆粗就好笑，相反我就大鑊。」
本月6日是靚湯的34歲生日，她正日與男友馬國明到酒店staycation慶祝。說到她大晒三點式靚相好性感，靚湯透露其實泳衣是一件頭，蕭正楠搞笑表示：「一件頭着到三點式咁，真係天生麗質。」靚湯興奮道，沒想過正日可放假，所以好開心，更爆馬明是第一次staycation。
對方有沒有趁生日求婚？靚湯表示沒有：「我哋唔係玩驚喜嘅人，連想食咩蛋糕都會講，今次staycation都係我安排。」他們又帶上代表兩人的小馬及獨角獸公仔去staycation，靚湯在社交平台上載公仔全身濕透的相片，她解釋：「好多人話小馬污糟，所以就兩隻公仔都沖吓涼。」
關鍵字
最新回應