生日正日唔使開工黐到實 湯洛雯約馬國明蜜遊香港慶生
2021-05-03 14:45 
湯洛雯（靚湯）和馬德鐘（馬神）今日為新劇《雙生陌生人》拜神，劇中馬神並列男一及男二角色，與靚湯是初戀情人，故有超多對手戲。問到可有親熱戲？靚湯透露：「馬神喺劇中不辭而別，冇親密接觸，若劇情需要都會拍，就算拍牀戲，TVB嘅尺度亦有限。」她又謂跟男友馬國明（馬明）從來沒要求對方不拍親熱戲。那麼馬神會否好大壓力？他說：「冇諗過，開工投入角色係專業演員，劇本暫時未有親熱戲。」
談到近日拍攝農莊主景，靚湯表示拍外景時暴曬及被蚊針，幸馬神準備了蚊怕水、防曬油及太陽傘，馬神自言：「因為我容易曬黑，如果唔揸太陽油，恐怕曬一個鐘就會變黑人。」並笑指跟靚湯一黑一白難打燈光。
至於本周四（6日）34歲生日，靚湯稱暫時知道不需要開工，可以香港一日遊，去主題公園、行山及郊遊。問到馬明已返港是否好開心？她說：「一向都開心，之前馬明返內地拍劇，呢段時間有視像聯絡神交。」
關鍵字
最新回應