李璨琛回港即狂帶囡囡去玩 Lucy郊遊遊又去沙灘玩水

李璨琛(Sam)家有一位網紅囡囡李元元（Lucy），IG Followers有27萬多過爸爸一萬。之前一家之主返咗內地工作一段長時間，一返歸即盡返老竇責任，帶囡囡去玩。尋日Sam同埋關秀媚男友，前影星李煒尚帶Lucy去行街街，食完雪糕再去行公園仲去埋大潭水壩，見阿Sam拖住囡囡行水塘，肥妹仔行到彈彈吓，超得意。

尋日出完一身汗，今日李璨琛一家三口去咗沙灘玩，Lucy着住兩件頭泳衣，目光完全離唔開佢個肥肚腩，笑到瞇晒眼好搞鬼。Lucy媽留言：「合家照，真的久違了」hashtag連自己都想點讚及李門這一家。