【無後顧之憂】獲媽咪加持大讚老公 陳凱琳一家四口沙灘聚天倫晒溫情

陳凱琳媽媽Connie最近接受電台訪問時自爆，當初女兒同鄭嘉穎拍拖時，一直好反對，更拒絕見鄭嘉穎，後來被他熱情、有禮貌、誠實改觀，𠵱家畀呢個女婿101分。得到家長輩接納呢段婚姻，陳凱琳同鄭嘉穎開心到晒幸福。

陳凱琳日前在社交網分享兒時和媽媽的合照，預祝媽媽母親節快樂，今日就上載多張與老公鄭嘉穎一家四口去沙灘玩耍的相片，陳凱琳透露日前一家人去了朋友家中聚餐，於是趁機去沙灘影相，只見2歲的大仔Rafael在沙灘狂奔，鄭嘉穎就一直在身邊陪伴，9個月大的細仔Yannick就由陳凱琳抱著，讓他的腳仔沾水，Yannick雖面帶疑惑，但似乎未有對水感到害怕，陳凱琳留言說：「一家人健健康康，齊齊整整，就係最好嘅禮物，母親節快樂。」又指他們只是玩了15分鐘，兩個囝囝就已經玩到濕透。