【永續MIRROR騷】AK多謝徐浩及天衡伴奏 Edan演唱會後台Hea住反白眼

雖然MIRROR的6場演唱會已在上周二（11日）完結，但鏡仔們意猶未盡，同大家分享更多點滴。Edan（呂爵安）昨晚在社交網Post出後台照留言：「演唱會後台實況：每日完咗《E先生》之後就有一個大Break🤪然後每日就係到（喺度）嘆世界，聽吓自己唱成點😆😆😆網癮少年真係名不虛傳㗎😎😎」

他表演完Solo歌《E先生連環不幸事件》，緊接與Lokman（楊樂文）合作《香港地》之後就有一段時間可以休息，因為太嘆，Edan重現招牌反白眼表情，更除鞋伸直腳霸埋表演中嘅Stanley（邱士縉）個位！Stanley也忍不住抽水表示：「#踩住stanley上 難怪你咁紅🤣🤣#知我咩料啦」！

而Anson Kong（AK、江𤒹生）也在昨晚多謝與他合作表演Solo歌《黑之呼吸》和《鬼滅之刃》主題曲《紅蓮華》的班底，他笑稱眾人是「AK團契」道：「好多謝天衡（樂隊ONE PROMISE結他手）bb寫咗黑之呼吸俾（畀）我，好鐘意呢首歌，生日只係差一日嘅我地異常地投契，可能一切都是緣份吧！一齊努力，向更大嘅舞台進發🤘🏻🖤」

AK續表示：「好開心除咗可以同徐浩同台之外，亦好開心（你）成為我們的MD。有你在我很安心，謝謝你一直以嚟嘅教導，呢一年幾也學習了很多，繼續一齊努力，謝謝你❤️最後很想多謝在鼓手位置的一丁，謝謝你參與了《黑之呼吸》，因為場地問題不能將你的位置移出來一齊玩，但我無忘記過你，有你在背後很安心，謝謝你😘」AK更同場加映表演得太High，頭髮全部豎起的照片，搞笑指自己是「超級撒亞人」！