為拍廣告由陸地玩到落水　黎明發掘香港靚景享受大自然

黎明（Leon）拍攝的全新財富管理廣告早前曝光，至今已累積近500萬網上瀏覽率。在該廣告花絮中，一身戶外造型的Leon不惜攀山涉水，駕駛越野車穿越叢林，到湖邊體驗非一般的釣魚，並與小朋友一同觀星，他表示：「作為一個地球人，梗係要盡情嘗試唔同嘅生活！今次拍攝好好玩，例如可以體驗平時較少接觸嘅Off-Road（越野駕駛），我一直都好想嘗試，但平時因為冇時間比較可惜，今次玩完先發掘到原來香港好多地方都好靚！之後嘅廣告系列我仲會由陸地玩到水上，着住水鞋到湖邊體驗Fly Fishing（飛蠅釣），同埋仲會喺戶外中欣賞動人嘅星空！」此外，Leon亦展露溫柔一面，與小朋友的互動非常溫馨，他表示：「家人嘅笑聲、同家人相處嘅時光就係財富。」