【找數呀】樣衰相成功呃Like過十萬 阿Dee型跳Popping版 《行動綱領》

《ERROR自肥企画》播埋呢個星期就完嘞，係咪開始唔捨得呢?繼梁業（肥仔）及保錡「找數」獻唱主題曲《無制限OT編集團の行動綱領》後，何啟華（阿Dee）前日亦在IG上載花絮照片說：「找數大挑戰！傳說醜樣嘅相比較易呃Like，如果呢張相可以喺IG呃到十萬like，我就發佈『DeeGor版』自肥企画主題曲《無制限OT編集団の行動綱領》 ！」以ERROR今時今日嘅地位，一個Po要過十萬Like?輕鬆啦。用咗一日時間已達標，阿Dee尋晚喺IG Story已預告《ERROR自肥企画》播畢後一分鐘即找數，然後冇然後嘞，睇片啦，大叫啦，好型呀阿B。(怕鬼咗你阿Dee暱稱叫阿B呀)

阿Dee的找數Po仲有個訊息想帶出，「此舞種為#Popping ，如果大家真心想學，不妨用下力上網search，香港有好多好出色嘅#PoppingDancer ，每個人都有自己風格，源自於你學邊種基本功為主，學Popping嘅副作用，會能夠更加了解自己身體每一個部分嘅機動性，好似我跛嘅又跳得，飲醉亦跳得，掂呀！」