【獨家】轉型Youtuber獻聲試水溫 黎紀君盼疫後出歌闖樂壇

2021-01-29 23:00
學了兩年唱歌的Christy有意踩入樂壇,希望今年能圓夢。
學了兩年唱歌的Christy有意踩入樂壇,希望今年能圓夢。

現年27歲、模特兒出身的黎紀君(Christy)近年活躍電視圈,先後為ViuTV節目《駕到西澳》及香港開電視節目《開間咖啡店》擔任主持,然而在疫情影響下,早前她也開始努力經營Youtube Channel,頻頻拍片Cover Kpop舞蹈又大展歌喉,獲同門的周柏豪、鄭融及網民讚好。問是否「試水溫」想踩入樂壇?Christy直言:「絕對係,呢個係我一個大方向!」撰文:黎寶倫 攝影:譚壹致 場地:Sugar Please Bakery House

學了兩年唱歌的Christy有意踩入樂壇,希望今年能圓夢。
學了兩年唱歌的Christy有意踩入樂壇,希望今年能圓夢。
Christy希望疫情後能出自己的歌。
Christy希望疫情後能出自己的歌。

一向熱衷跳唱的黎紀君學了兩年唱歌,但仍謙稱在技巧以外,情感上也需要多花功夫,「唱歌老師有讚過我音好準,但有時唱嗰陣,自己覺得已經好傷心,不過效果出嚟又唔係,佢就教我一隻歌抽一個男朋友出嚟,當然我都會擺親身經歷落去,再要用技巧配合感情。」提到翻唱許靖韻(Angela)的《別為我好》獲網民激讚,演出此曲MV的Christy坦言好意外,「當時出片好驚好多比較,因為Angela唱功好犀利,點知好多人話比想像中唱得好,最意外係Angela主動喺社交網轉發。(有網民讚比原唱更好。)有咩?!我覺得冇得比,佢真係好有實力,如果有日做歌手,希望可以向佢嘅步伐進發。」

Christy謙稱唱功仍有待進步。
Christy謙稱唱功仍有待進步。
恨做跳唱歌手的Christy表示會跑步、游水練氣。
恨做跳唱歌手的Christy表示會跑步、游水練氣。

發夢同林俊傑合唱
恨出自己歌的Christy又透露打算踩入樂壇,「其實Cover完黎明首《傻癡癡》後,老闆好有意幫我出歌,好開心,仲叫我同監製徐浩合唱一首歌,但因為疫情關係,海外宣傳都做唔到,所以等疫情過後先再進一步打算,希望2021年可以順利進行。」一直有學跳K-Pop Dance和Hip Hop的她更盼成為跳唱歌手,那麼可接受穿性感打歌服?「OK㗎!我好鍾意BLACKPINK嗰種型啲又帶點Sexy嘅風格。」Christy說,視林俊傑(JJ)為偶像的她仲笑言:「遲吓翻唱JJ啲歌,然後係咁Tag佢,引佢注意!發夢咁講,如果有日我開演唱會,我好想請JJ做嘉賓,但呢件事好遙遠!」

不時晒清涼照的Christy不介意穿性感打歌服。
不時晒清涼照的Christy不介意穿性感打歌服。
早前Christy為《別為我好》MV演出,還翻唱此曲。
早前Christy為《別為我好》MV演出,還翻唱此曲。
Christy近日又翻唱了Dear Jane的情歌Medley。
Christy近日又翻唱了Dear Jane的情歌Medley。
關鍵字

最新回應

關鍵字

相關新聞

熱門文章