星島日報

【等緊找數】《ERROR自肥企画》主題曲爆紅 肥仔揚言夠三萬Like即唱

2021-05-05 17:30
《ERROR自肥企画》帶起話題,主題曲更被追捧。
《ERROR自肥企画》帶起話題,主題曲更被追捧。

前晚首播的ViuTV節目《ERROR自肥企画》的主題曲《無制限OT編集団の行動綱領》改編自動畫《新世紀福音戰士EVA》歌曲《殘酷的天使》,主題曲由《自肥企画》導演Mike主唱,唔啱音加貼地歌詞令網友笑爆嘴,觀看次數超過25萬,打入YouTube香港熱門影片之外,網友更指要推Mike上音樂節目《Chill Club》表演!

《ERROR自肥企画》帶起話題,主題曲更被追捧。
《ERROR自肥企画》帶起話題,主題曲更被追捧。
肥仔昨日表示帖子過兩萬like便會唱主題曲。
肥仔昨日表示帖子過兩萬like便會唱主題曲。

ERROR隊長肥仔(梁業)昨日就在社交網站寫道:「ERROR今次做節目唔係為咗自肥,係為咗有更多好既(嘅)作品流芳百世,希望更多人留意到ERROR。多謝無制限OT編集団,有你哋有我哋,今個post過2萬like我會唱一次主題曲比大家聽!」帖子火速已吸夠二萬Like,網友紛紛催促肥仔找數,他昨日即在限時動態縮沙指「我可摸耳改3萬Like先唱」!現時帖子發佈超過24小時,Like數已接近3萬,睇嚟肥仔可以準備定錄音嘞!

肥仔其後縮沙指「改3萬Like先唱」!
肥仔其後縮沙指「改3萬Like先唱」!
尋晚一集,節目組要成員乘單車繞場一周,觀察誰是隊友。
尋晚一集,節目組要成員乘單車繞場一周,觀察誰是隊友。

而在昨晚播出的第二集中, 節目組炮製「友情試煉」環節,成員要分別請朋友助陣,齊齊蒙頭化身「任何人」,每位成員要乘單車繞場一周,觀察誰是隊友!落敗的193(郭嘉駿)需要接受大懲罰,被「死亡恆星」射下體,繼續冇底線!勝出的保錡獲得價值3000元的公路單車,他在限時動態多謝當日來撐場玩遊戲的朋友。

落敗的193要被「死亡恆星」射下體。
落敗的193要被「死亡恆星」射下體。
保錡(右三)在限時動態多謝來撐場的朋友。
保錡(右三)在限時動態多謝來撐場的朋友。
《無制限OT編集団の行動綱領》觀看次數已超過25萬。
《無制限OT編集団の行動綱領》觀看次數已超過25萬。

最新回應

關鍵字

相關新聞

熱門文章