向《膠戰》阿正示愛唔驚女友嬲　魏浚笙6月畢業再諗結婚

2021-04-29 20:00

憑ViuTV真人騷《調教你男友》及《膠戰》彈出的「新一代男神」魏浚笙（Jeffrey），今日現身尖沙咀出席品牌活動。上周五（23日）23歲生日的他，透露當日只跟女友Evelyn一起簡單食飯慶祝，問到女友可有送上驚喜？Jeffrey說：「一齊差唔多六年，簡單開心便夠。（可有打算結婚？）都想，但而家仲係學生，希望今年六月中畢業後再諗呢個問題。」

至於工作方面，Jeffrey透露為劇集《IT狗》扮演一個小角色，6月再為遊戲節目《膠戰2》開工。問會否害怕當中的新遊戲？他說：「唔會，因為大家都好熟，很期待六個人一齊開工，好開心。（請女友參加一起玩？）唔好啦，佢負責幕後工作，幕前交畀我啦！我好鍾意阿正（黃正宜），每次同佢合作，總會帶來歡樂氣氛。（女友會驚你被誘惑？）完全冇，專業嘅，佢好放心，我盡情去做就可以。」