谷奶令32E再升cup擔心下垂莊韻澄生完又肥又腫成日喊

2021-04-29 12:00

莊韻澄（Xenia，前名莊端兒）上月尾為老公呂成忠（Joe）誕下兒子呂崇滈（波子），昨晚Xenia產後首度復工，出席母親節直播活動，她指波子剛滿月，自己坐完月可以出關感開心，不過一開工已經掛住囝囝。Xenia透露餵母乳導致睡眠不足，加上沒聘請陪月幫忙，非常疲憊，但每天看着囝囝長大自己亦感到幸福。

身材驕人的Xenia因谷奶令上圍再升cup，身材極之澎湃，她自言擔心日後胸部下垂，但會堅持餵人奶，她說：「好擔心會墮，所以有努力搽嘢同按摩，仲會戴鋼圈bra瞓覺，因為太重，要好好保養，唔可以鬆懈。」Xenia又笑指仔仔好大食，現時已經有10磅重，所以自己都心急搵奶粉錢養家。

Xenia又大讚老公Joe體貼，放下工作，請了一個月假陪她，更會幫手餵奶、換片、替囝囝冲涼。Xenia直言：「原來男士放產假陪老婆係好重要，自己生完情緒波動，容易喊同情緒崩潰。我望鏡見到自己個樣唔同晒，又肥又腫，喊得好緊要，又會諗老公仲愛唔愛我，之後老公攬住安慰我，令我冇咁大壓力。」Xenia體驗到當媽媽的的偉大，現時更懂得孝順，母親節會與媽媽共度。她指媽媽從澳洲來港已逗留一年多，以湊孫為樂，Xenia更表示想繼續生，追多個女。