魏浚笙預祝23歲生日 Edan「唔抵得」偷吹蠟燭

MIRROR成員呂爵安（Edan）出名搞笑，想不到連幫《膠戰》「細佬」魏浚笙（Jeffrey）慶祝生日也走另類路線，Edan趁Jeffrey許願時「偷吹」其蠟燭，更模仿網上搞笑短片的小女孩狂撥頭髮，現場工作人員即起哄，著Jeffrey跟足短片扯Edan頭髮，可惜斯文的Jeffrey只施展了數下「少女打」，沒有如原裝短片一樣暴打「阿哥」Edan，最後二人更Friend爆搭晒膊頭，相當玩得！
Edan留言說：「聽講我細佬今日生日 首先就生日快樂啦 祝你早日靚仔過阿哥我啦吓。不過嗰日拍野（嘢）唔知點解竟然無啦啦幫佢提早慶祝生日 咁我就梗係燥底啦，雖則佢下個星期就生日姐，咁我下年一月夠生日啦，做乜唔幫我慶祝埋喎 所以我就決定跟巴西嗰對姊妹個姐姐學嘢（第2段片） 詳情請睇片。Love you bro #講笑 #講笑 #講笑 #重要嘅嘢要講三次 #為免有人認真咗 #帶返個頭盔先 #不過希望你早日靚仔過我係認真嘅 #加油弟 #大家都叫佢抆我頭髮」。
此外，最近Hit爆的ERROR成員193亦上載跟Jeffrey的合照，大批網民留言讚二人勁靚仔，恍如從漫畫般走出來，更高呼「Why not both」！