【獨家】離開效力8年TVB想自己話事 45歲蝦頭擇偶要有鬚似陳豪

2021-04-28 23:41
楊詩敏離開TVB前,有幸跟超級偶像陳豪合作,真係開心到爆。
楊詩敏離開TVB前,有幸跟超級偶像陳豪合作,真係開心到爆。

楊詩敏(蝦頭)喺TVB劇集《愛美麗狂想曲》好搶戲,劇中飾演Kiki有唔少男伴,又帶埋李佳芯等人去餵「鴨」縱慾!由於同現實中保守性格好唔同,蝦頭話過足戲癮,笑言多謝監製賞賜,惟一可惜係Man爆嘅陳豪同李佳芯一對!45歲未有拖拍嘅蝦頭期望搵到個細心又有型嘅「翻版陳豪」做男友。採訪:方騫平 髮型:Ivan Lee @ Headquarters 場地:abc> Studio

楊詩敏離開TVB前,有幸跟超級偶像陳豪合作,真係開心到爆。
楊詩敏離開TVB前,有幸跟超級偶像陳豪合作,真係開心到爆。
楊詩敏榮升「蝦老闆」跟TVB轉新合作形式,希望創作一啲屬於自己嘅作品。
楊詩敏榮升「蝦老闆」跟TVB轉新合作形式,希望創作一啲屬於自己嘅作品。

蝦頭喺劇中嘅角色大膽出位,由於與Baby Baby(Patrick Sir)遲遲都未能突破超友誼關係,搞到慾火焚身,酒後亂性同相識多年嘅好友蘇澤基(曹永廉)搞埋,唔止戲份重,演得相當有「火花」!

蝦頭企喺偶像陳豪身邊即刻冧晒。
蝦頭企喺偶像陳豪身邊即刻冧晒。
劇中蝦頭主動出擊狂咀Baby Baby(Patrick Sir)。
劇中蝦頭主動出擊狂咀Baby Baby(Patrick Sir)。

一講男人就興奮
蝦頭好滿足:「做呢啲角色好正呀,好feel free!但其實我本身好文靜、好斯文,對感情好專一,只能愛一個,仲係聽晒男友話嘅屈就家嫂型,不過被上次經歷(同前度經理人邵子風)有所啟發,咁樣係好唔健康嘅做法,要共同成長,互相欣賞先可以長久。」蝦頭表示學懂愛錫及做好自己,「咁樣自然會吸引到一啲識得欣賞我嘅人,我都吸引到小貓3、4隻㗎!」蝦頭愈講愈興奮,佢話自己最like留鬚,陳豪嗰類型嘅男人,「真係佬味十足,陳豪都知我係佢鐵粉,對住佢心心眼,我哋坐埋會研究演技,哎呀!應該叫佢介紹型男畀我識啦!」

對被TVB重用為何仍堅持離開?蝦頭坦言疫情下停工,促使她要主動出擊,趁有氣力成立工作團隊做老闆,加入獨有嘅幽默感或音樂、演戲元素拍網上短片或舞台劇,甚至創出新模式呈現畀觀眾睇:「我好似傻妹咁要闖七關,好相信傻人會有傻福。」

Kiki姐帶埋李佳芯等人去餵「鴨」,呢幕好搞笑!
Kiki姐帶埋李佳芯等人去餵「鴨」,呢幕好搞笑!
蝦頭喺《大玩特玩消暑篇》中着泳衣,身材澎湃,睇到阿Bob眼定定。
蝦頭喺《大玩特玩消暑篇》中着泳衣,身材澎湃,睇到阿Bob眼定定。
蝦頭同前度兼經理人邵子風拍拖3年,傳男方一味拖婚致分手收場。
蝦頭同前度兼經理人邵子風拍拖3年,傳男方一味拖婚致分手收場。
8年前嘅劇集《My盛Lady》中,監製早已醒她強吻「男神」黃子華。
8年前嘅劇集《My盛Lady》中,監製早已醒她強吻「男神」黃子華。

最新回應

關鍵字

相關新聞

熱門文章