喊住多謝老婆余思敏 鄭中基諗過斷電用大聲公清唱

2021-04-26 12:15
鄭中基喊住多謝大家支持。
鄭中基喊住多謝大家支持。

鄭中基舉行一連三場《鄭中基Drive In Ultra:WEE are Ronald Cheng》演唱會,昨晚進行尾場。雖然未開騷經已下雨,但不減觀眾睇騷的熱情。大會派發雨衣,又呼籲觀眾切勿使用雨傘遮擋後排視野。方皓玟、狄易達、蔡一智、莊思敏、田啟文(田雞)、鍾舒漫、LMF成員阿杰等都有入場支持。

鄭中基喊住多謝大家支持。
鄭中基喊住多謝大家支持。
鄭中基講到落淚。
鄭中基講到落淚。

鄭中基在台上表示,有人問過他有否擔心下雨,當時他回答會派雨衣,但對方又問狂風暴雨點算。他無奈指:「呢啲唔係關心呀!係黑心!」隨即唱出歌曲《晴天陰天雨天》,又表示這首歌集合了三晚的天氣。其後鄭中基在點唱環節唱出生日歌,慶祝點歌觀眾的胞姐生日。他亦相當識做,唱出《三生有幸》送給到場支持的老婆余思敏。

鄭中基又說:「疫情下唔知可以做咩,但知大家鐘意睇我搞笑。拍劇之外,我仲開咗個YouTube channel,每個星期都有片,大家唔開心嘅時候可以睇吓。」接近尾聲時,現場播放鄭中基預先錄製的答謝詞,之後他多謝觀眾:「咁大風大雨,仲停電幾次,你哋都唔走,多謝你哋!」之後不禁感動落淚,先多謝公司兩位同事,又感謝老婆支持他去做想做的事。

落雨加停電令鄭中基好頭痛。
落雨加停電令鄭中基好頭痛。
鄭中基多謝所有工作人員好快處理問題。
鄭中基多謝所有工作人員好快處理問題。

完騷後接受訪問時,鄭中基坦言:「冇諗過突然斷電,但好多謝所有工作人員好快處理問題。我仲問有冇大聲公,如果真係搞唔掂就用大聲公清唱!」一晚經歷兩次斷電,會否嚇怕開戶外騷?他表示不會:「演唱會有機會開Part 2,下次有充足時間相信會更好。」

談到送贈門票給予慈善團體,讓基層家庭入場欣賞,他指是受近期新聞啟發:「睇到太多有關弱勢同基層嘅新聞,可能未曾睇過演唱會,第一次搞戶外騷希望有更多人睇到。開心就好啦!都係希望大家開心,大家太耐未開心過,做到幾多就幾多。」工作人員在旁補充,門票有8間機構受惠,3場合共送出1500張門票。鄭中基又笑言一對子女同老婆睇足三場,但因為落雨濕透,加上仔女翌日要上學,所以叫他們快回家換衫。

鄭中基坦言冇諗過突然斷電,又指有機會開Part 2。
鄭中基坦言冇諗過突然斷電,又指有機會開Part 2。
老婆余思敏同一對子女睇足三場。
老婆余思敏同一對子女睇足三場。
余思敏擺出大心心支持老公。
余思敏擺出大心心支持老公。
鄭中基連開3場演唱會,昨晚結束。
鄭中基連開3場演唱會,昨晚結束。
蔡一智到場睇騷。
蔡一智到場睇騷。
鍾舒漫都有現身支持。
鍾舒漫都有現身支持。
狄易達都係座上客。
狄易達都係座上客。
莊思敏亦有入場觀賞。
莊思敏亦有入場觀賞。
關鍵字

最新回應

關鍵字

相關新聞

熱門文章