落大雨音響兩度失靈灰爆跪地 鄭中基獲觀眾大合唱《無賴》打氣
2021-04-26 11:36 
鄭中基（Ronald）23日起於中環海濱活動空間舉行一連3場《鄭中基Drive In Ultra：WEE are Ronald Cheng》自駕演唱會，昨晚來到尾場，不過天公不造美，未開騷經已下著毛毛雨。鄭中基獻唱《我代你哭》時現場音響突然無聲，他即尷尬笑笑口，做出合十手勢道歉，又以口型叫觀眾等等。不過事故完全無損現場氣氛，觀眾不停歡呼，余思敏亦做出心心手勢為老公加油。
約三分鐘後，鄭中基清唱幾句確認支咪係咪正常，再向大家講不好意思。他說：「我哋都唔想，但琴未有，等我一陣。多謝大家仲未講粗口，我要確保音響有聲，清唱？想唱乜？」經過檢查後音響電源再次接通，不過唱到《無賴》期間，咪高風又再次無聲。鄭中基跪地表示無奈，獲現場觀眾自發清唱歌曲。音響回復正常後，鄭中基即唱埋未唱完的《無賴》最後歌詞，獻唱期間觀眾不時報以掌聲。
關鍵字
最新回應